Pan yttoedd Gei a Bedwyr yn¹ eisted ar benn Pumlumon ar Garn Gwylathyr, ar (_)wynt mwyaf yn y byt, edrych a¹ (_)wnaethant yn eu kylch, ac wynt¹ a¹ (_)welynt vwc mawr parth a⁽²⁾'r deheu, ym pell y⁷ wrthunt heb¹ drossi dim gan y gwynt. Ac yna y¹ dywawt Kei, "Myn llaw vyng kyueillt, syll dy racco tan¹ rysswr." Bryssyaw a¹ (_)orugant parth a⁽²⁾'r mwc, a dynessau parth ac¹ yno dan ymardisgwyl o bell, yny uyd Dillus Uarruawc yn² deiuaw baed coet. Llyna, hagen, y rysswr mwyaf a⁴ (_)ochelawd Arthur eiryoet. Heb y² Bedwyr yna wrth Gei, "A⁽³⁾'e hatwaenost di ef?" "Atwen," heb y² Kei, "Llyna Dillus Uarruawc. Nyt oes yn y byt kynllyuan a⁴ dalyo Drutwyn keneu Greit uab Eri namyn kynllyuan o uaryf y gwr a⁵ (_)wely di racko. Ac ny mwynhaa heuyt onyt yn³ vyw y¹ tynnir a² chyllellprenneu o'e uaraf, kanys breu uyd yn⁵ uarw." "Mae an kynghor ninneu wrth hynny?" heb y² Bedwyr. "Gadwn ef," heb y² Kei, "y⁵ yssu y⁴ (_)wala o'r kic, a gwedy hynny kyscu a¹ (_)wna." "Tra yttoed ef yn¹ hynny, y¹ buant wynteu yn² gwneuthur kyllellbrenneu. Pan (_)wybu Gei yn³ diheu y³ uot ef yn² kyscu, gwneuthur pwll a¹ (_)oruc dan y⁴ draet, mwyhaf yn y byt, a tharaw dyrnawt arnaw anueitrawl y⁴ ueint a¹ (_)oruc, a'e (_)wascu yn y pwll hyt pan daroed udunt y³ gnithiaw yn³ llwyr a⁽²⁾'r kyllellbrenneu y⁴ uaryf. A gwedy hynny y³ lad yn³ gwbyl.
    Ac odyna yd aethant ell deu hyt yg Kelli Wic yg Kernyw, a² chynllyuann o uaryf Dillus Uaruawc gantunt a'e rodi a¹ (_)oruc Kei yn llaw Arthur. Ac yna y¹ kanei Arthur yr eglyn hwnn:

   Kynnlyuan a¹ (_)oruc Kei
   O uaryf Dillas uab Eurei.
   Pei iach dy angheu uydei.

Ac am hynny y¹ sorres Kei hyt pan uu abreid y⁶ uilwyr yr Ynys honn tangneuedu y⁷ rwng Kei ac Arthur. Ac eissioes, nac yr¹ anghyfnerth ar Arthur nac yr¹ llad y⁴ (_)wyr, nyt ymyrrwys Kei yn reit gyt ac¹ ef o hynny allan.