treigladau / mutations
(frâm ar wahan / separate frame)

testunau eraill / other texts


1

Beth ydwyt ti a minnau,  frawd,
Ond swp o esgyrn mewn gwisg o  gnawd?

Gwêl d'anfarwoldeb yng  ngwynder noeth
Ysgerbwd y  ddafad wrth  Gorlan Rhos  Boeth;

A'r cnawd a'r gïau a  fu iddi  gynt,
Yn²  bydredd ar  goll yn y bedwar gwynt,

Heb  ddim i  ddywedyd pwy oedd hi
Ond ffrâm ( _ )osgeiddig nad edwyn gi.

2

Beth  byddi  dithau,  ferch, a myfi,
Pan  gilio'r cnawd o'r hyn ydym ni?

Diffydd y nwyd pan ffero'r gwaed,
Derfydd am siom a serch a sarhaed.

Ni bydd na  chyffwrdd na  chanfod mwy:
Pan  fadro'r nerfau, ni  theimlir clwy.

Ac ni bydd breuddwyd na  chyffro cân
Mewn penglog  lygadrwth a'i¹  chraciau mân.

Nid erys dim o'r hyn wyt i mi--
Dim ond dy  ddannedd gwynion  di.

3

Ni bydd ohonom ar ôl yn y byd
Ond asgwrn ac asgwrn ac asgwrn mud;

Dau  bentwr bach dan chwerthinog ne',
Mewn gorffwys di-gnawd, heb na bw na be.

Nid ydym ond esgyrn. Chwardd oni  ddêl
Dy  ddannedd i'r golwg o'u cuddfa  gêl.

Chwardd. Wedi'r chwerthin, ni bydd, cyn bo hir,
Ond d'esgyrn yn¹ aros ar ôl yn y tir--

Asgwrn ac asgwrn,  forwynig ( _ )wen,
A  chudyll a  chigfran uwch dy  ben;

Heb neb yn¹ gofyn i'r pedwar gwynt:
"P'le mae'r storm o  gnawd a  fu iddi gynt?"